WAGONJWA 118 wafanyiwa operesheni ya kuondoa mtoto wa jicho Songea

Imewekwa kuanzia tarehe: November 24th, 2023

Wagonjwa 118  wamefanyiwa operesheni ya kuondoa mtoto wa jicho katika hospitali ya Rufaa ya Mkoa wa Ruvuma

Daktari wa Macho katika hospitali hiyo Dr.Charles Hinjo amesema madaktari wa macho wa ndani na nje ya nchi wapo mkoani Ruvuma kufanya kazi ya ziada ya kuwahudumia wagonjwa wa macho kwa gharama nafuu.

Amesema kazi hiyo inafanyika kwa siku kumi katika hospitali ya Mkoa Songea ambayo ilianza Novemba 20 na inatarajia kukamilika Novemba 28 mwaka huu.

“Tangu tumeanza kutoa huduma leo ni siku ya nne wagonjwa wa macho 363 wameonwa kati yao, wagonjwa 118 wenye mtoto wa jicho wamefanyiwa operesheni “,alisema.

Hata hivyo Dr.Hinjo amesema lengo ni kuwafanyia  operesheni wagonjwa 250 wenye mtoto wa jicho hivyo  ametoa rai kwa wananchi mkoani Ruvuma na mikoa jirani kujitokeza kutumia fursa hiyo kupata matibabu ya macho.