WAKAZI zaidi ya milioni moja Ruvuma wanapata maji safi na salama

Imewekwa kuanzia tarehe: January 11th, 2021

MKUU wa Mkoa wa Ruvuma Christina Mndeme amesema wakazi 1,149,867 katika Mkoa wa Ruvuma wanapata maji safi na salama hadi kufikia Oktoba 2020.Akitoa taarifa ya maendeleo ya Mkoa wa Ruvuma kwa Waziri Mlkuu wa Tanzania Kassim Majaliwa alipofanya ziara ya kikazi mkoani humu,Mndeme amesema idadi hiyo ya watu ni sawa na asilimia 63.9 ambapo idadi ya watu wanaopata maji vijijini ni sawa na asilimia 61.6 wakati wakazi wa mijini ni asilimia 66.4.

Hata hivyo Mkuu wa Mkoa  amesema uboreshaji wa huduma za maji mijini na vijini hadi kufikia Oktoba mwaka jana Mkoa ulitekeleza miradi 29 ya ukarabati na upanuzi  iliyogharimu zaidi ya shilingi bilioni 1.168 kupitia program ya lipa kwa matokeo(PBR) ambapo jumla ya miradi  19 imekamilika na miradi kumi inaendelea kutekelezwa.

Kwa mujibu wa Mkuu wa Mkoa wa Ruvuma miradi 33 ya programu ya lipa kwa matokeo ipo kwenye hatua mbalimbali za utekelezaji.

Imeandikwa na Albano Midelo

Afisa Habari Mkoa wa Ruvuma

Januari 11,2021