WAKULIMA wa korosho Tunduru kuhakikiwa

Imewekwa kuanzia tarehe: January 9th, 2024

Afisa Kilimo wa Chama Kikuu cha Ushirika wilayani Tunduru(TAMCU)Grace Evody,akitoa elimu ya kilimo bora cha korosho  na mazao mengine ya kimkakati  jana kwa wakulima wa kijiji cha Luginga wilayani humo  kama mkakati wa chama hicho wa kuongeza uzalishaji wa korosho bora zitakazopata soko la uhakika.

Serikali kupitia Bodi ya Korosho Tanzania,inatarajia kuanza kusajili wakulima wa korosho  ili kuwatambua na kupata idadi kamili  ya wenye sifa  kabla ya kupata  pembejeo za ruzuku kwa msimu wa kilimo 2024/2025 katika wilaya ya Tunduru mkoani Ruvuma.

Hatua hiyo inalenga kurahisisha uendeshaji wa zao la korosho,kupata idadi ya pembejeo zinazotakiwa kwenda kwa wakulima,kupunguza upotevu wa pembejeo na kuondoa adha  kwa wakulima kutafuta na kuuzia pembejeo hizo kwa bei kubwa.

Hayo yamesemwa  na Afisa Kilimo wa Bodi ya Korosho Tanzania Tawi la Tunduru Samwel Kambona,alipokuwa akizungumza na wakulima, wajumbe wa bodi ya TAMCU pamoja na viongozi wa vyama vya msingi vya ushirika(AMCOS)mjini Tunduru.