WANACHAMA wa Simba wajitolea damu Hospitali ya Rufaa Songea

Imewekwa kuanzia tarehe: August 1st, 2024

Wanachama na wapenzi wa Simba wamejitokeza  kwa  wingi kutoa damu   katika hospitali  ya Rufaa ya Songea (HOMSO) kwa ajili ya kusaidia  wagonjwa  waliolazwa Hospitalini hapo .

Wanachama  hao wamejitolea damu  ikiwa ni wiki ya Kilele cha Simba 2024  ambapo wamekuwa wakichangia damu kila mwaka.

 Mwenyekiti wa Matawi yote ya Simba Juma Ndago   amesema  wamekuwa wakifanya hivyo kila mwaka kwa lengo la kumuomba Mwenyezi Mungu na kurejesha  kidogo kwa jamii hasa kwa watu wenye  uhitaji.

"wanachama wa Simba wamekuwa na desturi  ya kuchangia damu na kujitolea  vifaa mbali mbali  kwa watu wenye matatizo  mbalimbali”,alisema Ndago..

Zedania Mgale ,Kiongozi  wa wanachama hao amesema kuchangia damu ni sadaka kubwa kwani wanaenda kusaidia watu wenye shida

 Kwa upande wake Mwanachama Ester Nyilenda amesema , Wagonjwa wengi wanashida ya damu na wanahitaji msaada hivyo wananchi  ,wasiogope kutoa damu.

Naye ,Yassin Mohammed, amesema wananchi waige ambacho wanasimba wanakifanya  kwani raha ya mwanasimba yoyote ni kushinda na kusaidia watu wenye mahitaji.

Said Abdallah  Mtumishi kitengo cha Damu salama  kinahitaji unit zaidi ya 300 uhitaji na kwamba  ,uchangiaji utasaidia kupunguza vifo  vya akina mama wajawazito  ,watoto na wagonjwa wanaofanyiwa upasuaji.

Ametoa rai kwa wananchi wajitokeze  kuchangia damu ili kuhokoa maisha ya ndugu zetu wenye uhitaji wa Damu.