WANAFUNZI 54,702 waanza Mtihani wa Taifa wa Darasa la nne Ruvuma

Imewekwa kuanzia tarehe: October 25th, 2023

WANAFUNZI 54,702 kutoka Halmashauri zote nane mkoani Ruvuma  wameanza mtihani wa Taifa wa  upimaji katika darasa nne ambao unafanyika kwa siku mbili kuanzia Oktoba 25 hadi 26 mwaka huu.

Afisa Elimu  Mkoa wa Ruvuma Edith Mpinzile amesema kati ya wanafunzi hao Halmashauri ya Wilaya ya Mbinga Ina wanafunzi 9,991,Mbinga Mji wanafunzi 5,222 na Halmashauri ya wilaya ya Nyasa wanafunzi 5,161.

Kwa mujibu wa Afisa Elimu huyo,Halmashauri ya Wilaya ya Songea wanafunzi 5,624,Songea Manispaa wanafunzi 8,508,Namtumbo wanafunzi  8,289,Madaba wanafunzi 1,613 na Tunduru wanafunzi 10,294.

Mkuu wa Mkoa wa Ruvuma Kanali Laban anawatakia wanafunzi wote wa darasa la nne mkoani Ruvuma,mtihani mwema wa Taifa wa upimaji.