WANAFUNZI Ruanda waahidi kufanya vizuri Mtihani wa Taifa wa kidato cha Sita

Imewekwa kuanzia tarehe: July 22nd, 2024

Wanafunzi wa Kidato cha tano na kidato cha  sita Shule ya Sekondari Ruanda iliyopo Halmashauri ya Wilaya ya Mbinga mkoani Ruvuma  wameahidi kufanya vizuri katika mtihani wao wa kuhitimu kidato cha sita na kusisitiza kuwa wote watapata daraja la kwanza.

Ahadi hiyo imetolewa na Kaka Mkuu  wa Sekondari ya Ruanda  Oswin Saga alipozungumza kwa niaba ya wananafunzi katika kikao kilichofanyika shuleni hapo  hivi karibuni

" Tumeona matokeo ya wenzetu  wamefanya  vizuri nikuahidi kiongozi kuwa tutashirikiana kwa pamoja na walimu tukizingatia nidhamu na masomo  sisi ni divisheni I hayo madaraja mengine ni mwiko kwetu" Amebainisha Oswin

Kwa upande wake  Mkuu wa shule hiyo mwalimu Paschal Kisese ameeleza kuwa  matokeo yajayo yataleta faraja zaidi kwa kuwa ufaulu wa shule hiyo unapanda kila siku hivyo Serikali itegemee matokeo mazuri  zaidi ya kidato cha sita kwa mwaka 2025 na kuendelea.

Naye  Afisa Elimu wa Halmashauri ya Wilaya ya Mbinga Felix Danda amewapongeza walimu na wanafunzi kwa matokeo mazuri ya mtihani wa kidato cha sita yaliyotoka hivi karibuni ametoa rai kwao kuongeza juhudi na jitihada kufikia malengo waliyojiwekea.

Matokeo ya shule hiyo  Kidato cha sita mwaka 2024 daraja la kwanza walipata wanafunzi 54 na daraja la pili walipata wanafunzi 27