WANAFUNZI waliofaulu Mbinga wanasomea mazingira Rafiki

Imewekwa kuanzia tarehe: January 17th, 2024

Mkuu wa Wilaya ya Mbinga Mh. Aziza Mangosongo amewahakikishia mazingira rafiki ya kusomea wanafunzi wote 8,439 waliofaulu kujiunga kidato cha kwanza katika Wilaya ya Mbinga.

  Mh. Aziza amesema idadi ya wanafunzi waliofaulu kwa Halmashauri ya Mji wa Mbinga ni 3,189, huku Halmashauri ya Wilaya ya Mbinga wakiwa 5,250.

Aliyasema hayo wakati wa ziara yake ya kutembelea shule za Sekondari za Mbinga na Dkt.. Philip I. Mpango  iliyopo katika Kata ya Matarawe na na ile ya Msingi ya Matengo  iliyopo Kata ya Matarawe.

Alisema Halmashauri ya Mji wa Mbinga kwa mwaka huu imeandaa vyumba 16 vya madarasa na kwa upande wa Halmashauri ya Wilaya ya Mbinga, yenyewe imeandaa vyumba vya madarasa 208.

Wilaya ya Mbinga ina jumla ya shule za sekondari za Serikali 59, ambapo kati ya hizo, 21 zipo katika Halmashauri ya Mji wa Mbinga na 38 Halmashauri ya Wilaya ya Mbinga.