WANANCHI wa Litembo wawanunulia polisi pikipiki

Imewekwa kuanzia tarehe: February 11th, 2024

Mkuu wa Wilaya ya Mbinga  mkoani Ruvuma Mheshimiwa Aziza Mangosongo amekabidhi pikipiki katika kituo cha polisi Litembo iliyogharimu shilingi milioni 2,000,000.

Hafla ya kukabidhi pikipiki hiyo imefanyika katika viunga vya ofisi ya Mkuu wa Wilaya ya Mbinga.

 Afisa Tarafa wa Mbuji Salma Kipande akizungumza kwenye hafla hiyo amesema wananchi wamechangia shilingi milioni mbili ili kununua pikipiki hiyo.

Amelitaja lengo la kununua pikipiki hiyo ni kutambua changamoto wanazopitia askari wa kituo cha polisi Litembo ili  kuwafikia na kuwapatia huduma kwa wakati kukabiliana na uharifu.

Akizungumza kabla ya kukabidhi pikipiki hiyo, Mkuu wa Wilaya ya Mbinga amewapongeza wananchi kwa kuona kituo  cha polisi Litembo kinatoa huduma  kwa wakati .

“pikipiki hii itasaidia kukabiliana na vitendo vya uharifu na kuyafikia maeneo ya tarafa ya Mbuji kwa wakati .

Hata hivyo ametoa rai kwa kituo hicho kuitumia pikipiki hiyo kwa malengo yaliyokusudiwa.

Kwa upande wake Mkuu wa Kituo cha Polisi Mbinga SP Elias Fungo, amewashukuru wananchi hao kuwasaidia kupata pikipiki hiyo, ambayo itawasaidia katika utendaji kazi wa kufuatilia taarifa za uharifu.