WATUMISHI wafanya usafi wa mazingira katika Kituo cha Afya Namtumbo

Imewekwa kuanzia tarehe: July 28th, 2024

DED PHILEMON MAGESA AONGOZA ZOEZI LA USAFI KATIKA KITUO CHA AFYA CHA NAMTUMBO,

Mkurugenzi Mtendaji wa Halmashauri ya Wilaya ya Namtumbo mkoani Ruvuma  Philemon Magesa ameongoza zoezi la Usafi katika Kituo cha Afya cha Namtumbo kilichopo katika Kata ya Rwinga, Ikiwa ni Utekelezaji wa Maagizo ya Serikali ya Kufanya usafi wa Pamoja kati ya  Wananchi na Watumishi wote katika Maeneo mbalimbali.

Akizungumza baada ya kukamilika kwa zoezi la usafi wa mazingira, Magesa amewataka  maafisa Afya na Mazingira kuhakikisha wanafanya ukaguzi katika maeneo mbalimbali ikiwemo maeneo ya Soko na  Maeneo ya Wazi  ili kufanya  usafi wa mazingira.