WAZAZI naa walezi wahimizwa kutoa mlo kamili kwa watoto

Imewekwa kuanzia tarehe: July 21st, 2024

Katibu Tawala Wilaya ya Songea mkoani Ruvuma Mtela Mwampamba amewahimiza wazazi na walezi kuwapa watoto vyakula vyenye mchangonyiko wa mlo kamili. 

Mtela ameyasema hayo  katika kijiji cha Mtepa  Kata ya Lituta Halmashauri ya Madaba wakati wa zoezi la Utoaji wa vifaa mbali mbali  vyenye thamani ya shilingi milioni 39 vilivyotolewa na Wakala wa Huduma za Misitu Tanzania (TFS) katika Shamba la miti  Wino Madaba, 

 Mwampamba amesema licha ya wakazi wa Madaba  kuwa na utajiri wa fedha wana changamoto  ya kutozingatia mlo kamili ili kuepukana na udumavu kwa watoto chini ya miaka mitano.

Akizungumza kwenye hafla hiyo Mhifadhi Mkuu wa shamba la miti Wino Groly kasmir amesema kuwa wametoa vifaa hivyo kwa shule za msingi,makanisa,na hospitali kwa lengo la kurejesha sehemu ya mapato kwa jamii .

Amesema wakazi hao wamekuwa Mstari wa mbele kusimamia hifadhi hiyo huku akiwataka kuendelea kuwa walinzi  kwa watu ambao wamekua wakitorosha moto unaosababisha hasara kwa serikali na watu binafsi.