WAZAZI waaswa kuwalinda watoto katika makuzi kuanzia miaka sifuri hadi nane

Imewekwa kuanzia tarehe: October 1st, 2023

Naibu katibu Mkuu Wizara ya Maendeleo ya Jamii,Jinsia, Wanawake na Makundi Maalum Amon Mpanju, amewaomba viongozi wa Serikali, Wazazi na viongozi wa dini kupitia misikiti makanisa kumlinda katika makuzi yake kuanzia tumboni  hadi umri  wa miaka minane.

Mpanju alikuwa anazungumza katika uzinduzi wa Progam Jumuishi ya Taifa ya Malezi, Makuzi na Maendeleo ya Awali ya Mtoto (PJT-MMMAM ) Mkoa wa Ruvuma  uliofanyika kwenye ukumbi wa  Manispaa ya Songea.

Hata hivyo amesema  serikali  ina mpango wa kuweka mkakati wa Pamoja ili  kuhakikisha wanamfikia kila mwananchi katika kupata huduma zile za msingi za afya, ulinzi, lishe na  malezi chanya anayositahili kupa mtoto.

“Kama serikali tunahitaji kila mdau tuwenae na aelewe hi program ya kitaifa na aelewe nia ya serikali kwamba ni kumuokoa mtoto wa kitanzania na kutengeneza taifa bora la watu wanao wajibika na walio tayari kuifia nchi yao”, asisitiza Mpanju.

Naye, mgeni rasmi  kwenye uznduzi huo Mkuu wa Mkoa wa Ruvuma ambaye aliwakilishwa na Mkuu wa Wilaya ya Mbinga Mhe. Aziza Mangosongo, amewaomba wakurugenzi  kupitia usimamizi wa wakuu wa Wilaya kwenda kuzindua program hiyo ngazi ya wilaya kabla ya  Desemba mwaka huu.

 Ameagiza Program hiyo itengewe bajeti maaalum kuanzia ngazi ya Mkoa na Halmashauri ili kufanikisha utekelezaji wake kwa urahisi.

 Naye Afisa Maendeleo ya Jamii kutoka  Wizara ya Maendeleo ya Jamii, Jinsia Wanawake na Makundi Maalum Joel Mwakapala  ametoa rai kwa wazazi na walezi kuwekeza mapema kwa  makuzi na malezi  ya mtoto ili kupunguza udumavu na utapiamlo.

Mwenyekiti wa Chama cha Mapinduzi CCM Mkoa wa Ruvuma Komred  Odo Mwisho amesema wao kama chama wapo tayari kwenda kutoa elimu ya malezi na makuzi ya mtoto na kuwalinda dhidi ya  unyanyasaji wa kijinsia.

Mkuu wa Wilaya ya Tunduru Mhe. Julius Mtatilo amesema malezi mabaya kwa mtoto yanasababishwa na wazazi wenyewe kwa kupitia mambo mbali mbali kwenye familia kama ugomvi ndani ya nyumba na baba kuitelekeza familia hali inayosababisha Watoto kukosa malezi bora.

Mratibu wa Programu hiyo mkoani Ruvuma ambaye pia ni Afisa Maendeleo ya Jamii Mariam Juma amemshukuru  Rais Dkt.Samia Suluhu Hassan kwa kuleta  program hiyo nchini ambayo ina kwenda kuwasaidia watoto wote wenye umri wa miaka sifuri hadi minane hivyo kupunguza udumavu.

Imeandikwa na Farida Baruti kutoka Kitengo cha Mawasiliano Serikalini Ofisi ya Mkuu wa Mkoa wa Ruvuma

Oktoba Mosi,2023