WAZIRI wa Ardhi kufungua ofisi ya ardhi Mkoa wa Ruvuma, kuzindua masterplan ya Manispaa ya Songea

Imewekwa kuanzia tarehe: August 10th, 2020

Waziri wa ardhi,Nyumba na Maendeleo ya  Makazi William Lukuvi anatarajia  kufungua rasmi ofisi ya ardhi ya Mkoa wa Ruvuma katika hafla ambayo itafanyika kwenye viwanja vya ofisi ya Mkuu wa Mkoa wa Ruvuma Agosti 10 mwaka huu.

Mkuu wa Mkoa wa Ruvuma Christina Mndeme kwa niaba ya wananchi wa Mkoa wa Ruvuma anamshukuru Rais Dkt. John  Magufuli kwa kuwezesha kusogezwa kwa huduma za Wizara ya Ardhi katika ngazi ya Mkoa  wa Ruvuma kwa kuanzisha Ofisi ya Ardhi Mkoa wa Ruvuma.

 Amesema wananchi wa Mkoa wa Ruvuma wameondolewa kero ya muda mrefu kufuata huduma za Wizara ya Ardhi katika Ofisi za iliyokuwa Kanda Mtwara ambapo hivi  sasa huduma zote za Kusajili Hati, Kuidhinisha taarifa za Uthamini, Michoro ya upimaji na mipango miji yote yanafanyika katika Ofisi hizi mpya za mkoa wa Ruvuma.

 Waziri Lukuvi pia akiwa mjini Songea Agosti 10 mwaka huu  anatarajia kuzindua mpango (masterplan) kwa ajili ya kuongoza uendelezaji ardhi ya Manispaa  ya Songea baada ya mpango kabambe wa awali kuisha muda wake toka mwaka 2010.Masterplan ya Manispaa ya Songea tayari imeandaliwa na inatumika kuendeleza ardhi ya Manispaa tangu mwaka 2017.

Imeandkiwa na Albano Midelo

Afisa Habari Mkoa wa Ruvuma