WAZIRI wa Habari kuanza ziara ya kikazi ya siku tatu mkoani Ruvuma

Imewekwa kuanzia tarehe: February 26th, 2021

Waziri wa  Habari,Utamaduni,Sanaa na Michezo Mheshimiwa Innocent Bashungwa anaanza ziara ya kikazi ya siku tatu mkoani Ruvuma kuanzia Februari 26 hadi 28 mwaka huu.Kwa mujibu wa ratiba ya ziara hiyo  Februari 26 mwaka huu Waziri Bashungwa anatarajia kuanza ziara yake katika wilaya ya Tunduru ambapo atatembelea Makumbusho ya Masonya ambalo ni eneo la urithi wa ukombozi la nyumba ya Samora Machel na Nyerere .

Waziri pia siku ya februari 26  atatembelea  wilaya ya Namtumbo kwenye maeneo ya urithi wa ukombozi Likuyu Sekamaganga  .ambapo siku ya Februari 27 Waziri wa Habari atahudhuria kilele cha kumbukizi ya miaka 114 ya mashujaa wa Vita ya Majimaji ndani ya viwanja vya Makumbusho ya Taifa ya Majimaji mjini Songea,pia atatembelea Makumbusho ya Kawawa yaliyopo mjini Songea.

Februari 28 Waziri atahitimisha ziara yake kwa kutembelea Barabara ya ukombozi iliyopo kijiji cha Liangueni kata ya Litapwasi Halmashauri ya Wilaya ya Songea.

Imeandikwa na Albano Midelo

Afisa Habari Mkoa wa Ruvuma

Februari 26,2021