WIKI ya maadhimisho ya wanawake mkoani Ruvuma

Imewekwa kuanzia tarehe: March 3rd, 2025

Ofisi ya Mkuu wa Mkoa wa Ruvuma kwa kushirikiana na  wadau wengine wa maendeleo,wameandaa maadhimisho ya siku ya wanawake duniani ambayo kimkoa inafanyika katika manispaa ya Songea,

Kaulimbiu ya mwaka huu ni wanawake na wasichana 2025 tuimarishe haki,uswa na uwezeshaji

Kwa hiyo kuelekea maadhimisho hayo,ofisi ya Mkuu wa Mkoa wa Ruvuma kwa kushirikiana na ofisi ya mkurugenzi wa manispaa ya songea wameandaa shughuli mbalimbali  katika wiki ya maadhimisho na siku ya kilele tarehe 8 Machi,2025.

Shughuli zilizopangwa kufanyika ni Pamoja na kongamano la wanawake ambalo limepangwa kufanyika Machi 3 kwenye  kwenye ukumbi wa Parokia ya Bombambili Songea kuanzia saa tatu asubuhi.

Machi 4,2025 kwenda kutembelea  watu wahitaji wenye ukoma  na Watoto wenye usonji katika Kijiji cha  Morogoro

Machi 6,2025 kutakuwa na uzinduzi wa maadhimisho na maonesho katika viwanja vya soko kuu Songea kuanzia saa 3 asubuhi.

Kilele cha maadhimisho ni tarehe 8/3/2025 katika uwanja wa Majimaji Songea kuanzia saa mbili asubuhi.

Machi 9,2025 kutakuwa na  usiku wa mwanamke kuanzia saa 12;00 jioni kwenye ukumbi wa  Parokia ya Bombambili Songea

Aidha kuna sare ya kitenge ya siku ya kilele cha maadhimisho ya wanawake inayopatikana katika ofisi ya Mkuu wa Mkoa wa Ruvuma kwa shilingi  26,000.

Tiketi za usiku wa mwanamke  zinapatikana kwa shilingi 50,000 VIP na shilingi 30,000 kadi za kawaida ambazo zinapatikana ofisi ya Mkuu wa Mkoa wa Ruvuma.

Wanawake wote wa Mkoa wa Ruvuma mnakaribishwa katika maadhimisho hayo siku ya wanawake Duniani  katika uwanja wa Majimaji Songea.

Imetolewa na Afisa Maendeleo ya Jamii Mkoa wa Ruvuma Xsaveria Mlimila