MIRADI ya ujenzi wa vyumba vya madarasa 156 katika shule za sekondari

Start Date: 2022-10-31

End Date: 2023-03-31

5.2.5 Taarifa ya Utekelezaji wa Mpango wa Maendeleo katika utekelezaji wa ujenzi wa vyumba vya madarasa ya kidato cha kwanza 2023.

Mkoa wa Ruvuma ulipokea fedha nje ya bajeti TShs.3,120,000,000.00 kwa ajili ya ujenzi wa vyumba vya madarasa 156 vya kidato cha kwanza 2023 katika shule za sekondari. Mchanganuo wa Fedha hizo ni kama inavyoonesha kwenye jedwali namba 7.

Jedwali Na. 7: Mchanganuo wa Fedha za Mpango wa Maendeleo kwa ajili ya ujenzi wa madarasa ya kidato cha kwanza 2023.

Hadi kufikia tarehe 30 Novemba, 2022 jumla ya vyumba 35 vya madarasa vimekamilika sawa na asilimia 22.4 na vyumba 121 vipo hatua za ukamilishaji.

5.2.6 Mapokezi ya fedha za ujenzi wa vituo vya afya na nyumba za watumishi kwa halmashauri

Mkoa umepokea jumla ya TShs. 980,000,000.00 kwa ajili ya ujenzi wa vituo vya afya vitatu na nyumba nne za watumishi wa halmashauri. Fedha hizi zimetokana na ruzuku ya serikali kuu na mapato ya ndani ya Halmashauri ikiwa ni jitihada za kuhakikisha kuwa wananchi wanapata huduma bora karibu na maeneo yao. Mchanganuo wa fedha ni kama inavyonesha kwenye jedwali namba 8.

Jedwali Na 8. Mapokezi ya Fedha za Ujenzi wa Vituo vya Afya na nyumba za watumishi wa halmashauri

Miradi mingine inayotekelezwa

Jedwali Na 9: Miradi Mingine Inayotekelezwa na Halmashauri.  

5.2.7 Baadhi ya Mafanikio ya utekelezaji wa Mpango na Bajeti ya mwaka wa Fedha 2022/20223 kuishia Novemba, 2022

• Kukamilisha kwa ujenzi wa vyumba vya madarasa 35 ya kidato cha kwanza mwaka 2023 kati ya vyumba 156 vinavyotakiwa kujengwa.

2. Kufanyika kwa vikao mbalimbali vya kisheria
3. Kuendelea kulipa stahiki mbalimbali za watumishi
4. Kuendelea na ujenzi wa jengo la ofisi ya Mkurugenzi Mtendaji Nyasa na Mbinga
5. Kuanza maandalizi ya ujenzi wa Nyumba ya Katibu Tawala Mkoa, Nyumba ya Mkuu wa Wilaya Mbinga na Ofisi mbili (2) za Maafisa Tarafa.
6. Maandalizi ya Mashamba Darasa nane (8) ya Malisho na Mashamba darasa matatu (3) ya kuku.
7. Kuendelea kutoa mafunzo kwa vyama vya ushirika
8. Ufuatiliaji na usimamizi wa Miradi ya maendeleo ya Kilimo cha Mazao ya chakula na mazao ya biashara
9. Kuendelea na ujenzi wa soko la samaki katika mji wa Mbamba bay

5.2.8 Changamoto za utekelezaji wa Mpango na Bajeti wa mwaka 2022/2023.

• Kupanda kwa bei ya vifaa vya ujenzi, bidhaa nyinginezo na huduma huduma mbalimbali, hivyo kuathiri utekelezaji wa shughuli zilizopangwa.

2. Fedha za miradi ya elimu na afya kutolewa kwa viwango sawa nchi nzima (flat rates) bila kuzingatia umbali na tofauti za kijiografia za Mikoa, wilaya na Halmashauri. (Darasa mil.20 & 12.5, bweni mil.80 &100, nyumba mil.90 nk)

• Ukubwa wa eneo la Mkoa wa Ruvuma (Kilomita za mraba 67,372) na umbali uliopo kati ya Makao Makuu ya Mkoa na Wilaya, hivyo kuongeza gharama za uendeshaji ukilinganisha na fedha zinazotolewa;
• Upungufu na uchakavu wa magari katika Sekretarieti ya Mkoa na Halmashauri;
• Upungufu wa watumishi katika Idara mbalimbali hususani katika Idara ya ujenzi, afya, elimu, kilimo, mifugo, fedha na Wathamini.

5.2.9 Mikakati ya Kutatua Changamoto

Kununua vifaa vya ujenzi moja kwa moja viwandani ili kupata unafuu wa bei

Kupunguza matumizi yasiyo ya lazima 

Kuendelea kuiomba Serikali kuridhia maombi ya kugawa maeneo ya kiutawala hususani Wilaya ya Tunduru pamoja na kuongeza fedha za uendeshaji wa shughuli za Mkoa na Halmashauri;

Kuendelea kutenga fedha kwa ajili ya ununuzi wa magari mapya na kufanya matengenezo ya magari yaliyopo.

Kuendelea kuwasilisha maombi ya vibali vya ajira ili kuongeza idadi ya watumishi na kuborehsa utoaji wa huduma mbalimbali.

5.3. Taarifa ya Maandalizi ya Mpango na Bajeti kwa Mwaka wa Fedha 2023/2024 

Mkoa umeanza maandalizi ya mpango na Bajeti kwa mwaka wa fedha 2023/2024 kwa kuainisha vipaumbele mbalimbali vya kisekta kwa kuzingatia nyaraka na miongozo mbalimbali iliyopo ya kimkoa na kitaifa ili kuhakikisha Mpango na Bajeti ya Mkoa unaendana na vipaumbele vya kitaifa vilivyoainishwa katika Mpango wa Tatu wa Maendeleo wa Taifa wa Miaka Mitano 2021/22 - 2025/26, Mpango wa II wa Maendeleo wa Taifa wa mwaka 2021- 2025, Ilani ya Uchaguzi ya CCM ya mwaka 2020, Dira ya Taifa ya Maendeleo 2025, Malengo ya Maendeleo Endelevu 2030 nk.

Sambamba na miongozo hiyo, Mpango na bajeti ya 2023/2024 utazingatia mwongozo wa Mpango na bajeti ya mwaka 2023/2024 uliotolewa na Wizara ya Fedha na Mipango ambao unaainisha na kutoa maelekezo mahususi yanayopaswa kuzingatiwa na Wizara, Mashirika, Taasisi za Umma, Wakala za Serikali, Mikoa na Mamlaka za Serikali za Mitaa wakati wa uandaaji wa Mipango na bajeti. Pamoja na kuzingatia vipaumbele vya Mwongozo wa mpango na bajeti, pia Mkoa utazingatia Vipaumbele vya Mkoa kama vilivyoainishwa katika Mpango Mkakati wa Mkoa wa miaka mitano (5) kuanzia 2021/2022 hadi 2025/2026, Mipango Mikakati ya Mamlaka za Serikali za Mitaa na Taasisi za Umma.

Baadhi ya Vipaumbele vya Mpango na Bajeti ya 2023/2024 ni kama ilivyoainishwa kwenye jedwali namba 10..

Jedwali Na 10: Vipaumbele vya Mkoa na Halmashauri kwa mwaka wa fedha 2023/24

Kwa kuzingatia ukomo wa bajeti  na vipaumbele vilivyoainishwa hapo juu, kwa mwaka wa fedha 2023/24 Mkoa wa Ruvuma fungu 82 unatarajia kuwasilisha maombi ya kuidhinishiwa jumla ya Shilingi 267,530,798,000.00 kwa ajili ya kutekeleza majukumu yake. Fedha hizo zinajumuisha Shilingi.180,932,942,000.00 kwa ajili ya Matumizi ya Kawaida na Shilingi. 86,497,856,000.00 kwa ajili ya utekelezaji wa miradi na Shughuli mbalimbali za maendeleo.

5.3.1 Matumizi ya Kawaida.

Ofisi ya Mkuu wa Mkoa Ruvuma na  Halmashauri zake unatarajia kuwasilisha maombi ya  kuidhinishiwa jumla ya Shilingi.180,932,942,000.00 kwa ajili ya Matumizi ya Kawaida. Kati ya fedha hizo,Shilingi. 153,907,956,000.00 ni Mishahara ya watumishi na Shilingi. 27,024,986,000.00 ni Matumizi Mengineyo.  Aidha, bajeti ya Ofisi ya Mkuu wa Mkoa ni  Shilingi. 6,419,485,740.00 na Shilingi.174,513,456,260.00 ni kwa ajili ya Halmashauri.

5.3.2 Matumizi ya Maendeleo

Kwa mwaka wa fedha 2023/24, Ofisi ya Mkuu wa Mkoa na Halmashauri zake  unatarajia kuwasilisha maombi ya  kuidhinishiwa makadirio ya jumla ya  Shilingi. 86,497,856,000.00 kwa ajili ya Miradi ya Maendeleo.  Kati ya fedha hizo, Shilingi. 34,172,550,000.00 ni fedha za ndani, Shilingi. 45,511,358,000.00 ni fedha za nje na Fedha za maendeleo mapato ya ndani ni Shilingi 6,813,948,000.00. Fedha maendeleo kwa ajili ya Ofisi ya Mkuu wa Mkoa ni Shilingi. 2,285,721,000.00 na Halmashauri ni Shilingi. 84,212,135,000.00.