Jamuhuri ya Muungano wa Tanzania Ofisi ya Rais Tawala za Mikoa na Serikali za Mitaa Mkoa wa Ruvuma

AFISA Elimu Ruvuma akemea usimamizi wa mazoea mashuleni

Imewekwa kuanzia tarehe: January 9th, 2024

Afisa Elimu Mkoa wa Ruvuma Mwl.Edith Mpinzile amewataka Maafisa Elimu Wilaya na kata wa Halmashauri zote za mkoa wa Ruvuma kusimamia shughuli za maendeleo ya shule kwa kutumia miongozo na kanuni zilizopo na badala yake kuacha kufanya kazi kwa mazoea.

Hayo ameyasema katika kikao kazi kilichowakutanisha Maafisa Elimu wote wa Wilaya na Kata ambacho kilikusudia kujadili tathimini ya matokeo ya darasa la saba ya mwaka 2023, ambacho kimefanyika kwenye ukumbi wa chandamali, Manispaa ya Songea.