CHAMA Tawala kupanda miti kwenye maadhimisho ya CCM mwaka huu

Imewekwa kuanzia tarehe: January 6th, 2025

Katibu  wa Chama Cha Mapinduzi Mkoa Ruvuma Ndugu Mohamed Ally amesema chama hicho kimedhamiria kuendeleza kampeni ya upandaji miti kwenye maadhimisho ya kuzaliwa  CCM mwaka huu hiyyo amewaomba Wakala wa Misitu  Tanzania TFS kuwaandalia miche ya kutosha ili kutekeleza mpango huo utakaosaidia kulinda na kuhifadhi mazingira ya Mkoa wa Ruvuma.

Mohomed ametoa ombi hilo mbele ya Mkuu wa Mkoa wa Ruvuma Kanali Ahmed Abbas Ahmed wakati anazungumza kwenye uzinduzi wa upandaji miti ngazi ya Mkoa wa Ruvuma katika hospitali ya Rufaa ya Mkoa,Songea ambapo Kanali Abbas amewaagiza TFS kuhakikjsha wanaandaa miche ya kutosha kufanikisha zoezi hilo ikiwa ni muendelezo wa kampeni za upandaji miti mkoani Ruvuma