CHATANDA awaasa viongozi kuwatumikia wananchi

Imewekwa kuanzia tarehe: December 21st, 2024

Mwenyekiti wa Umoja wa Wanawake Tanzania kupitia Chama cha mapinduzi CCM Taifa Marry Chatanda, amewataka viongozi wa jumuiya hiyo kujikita katika kuwatumikia wananchi kwa kuangalia changamoto zao na kutatua.

Ameyasema hayo wakati anazungumza katika hafla ya kukabidhi mashine za kukamua alizeti na vyerehani pamoja na mitungi ya gesi kwa vikundi mbalimbali vya wanawake, iliyoandaliwa na Mbunge wa viti maalumu Mkoa wa Ruvuma   Mheshimiwa Jackline Msongozi vyenye thamani ya zaidi ya milioni 600.

Amewasisitiza wanawake hao kutunza mashine hizo ili waweze kujikwamua kiuchumi.

Amewasisitiza viongozi kuiga mfano wa Msongozi, katika kuangalia changamoto za wananchi wao na kuzitatua.

Chatanda  pia amewaonya Wabunge na Madiwani wanawake ambao wanatabia ya kutoa pesa, kanga na rushwa nyinginezo ili kuwashawishi wajumbe wawape kura, badala yake amewataka kuwatumikia wananchi kwa haki .

Wakizungumza baadhi ya Wanavikundi waliopokea Mashine hizo pamoja na misaada mingine  wamempongeza Mhe; Mbunge  Msongozi kwa  kuwapatia Mashine hizo ambazo zitaboresha maisha yao .

Mbunge Msongozi amekabidhi Mashine 20 za kukamua alizeti kwa Vikundi 20 zenye thamani ya milioni 400, cherehani  700 zenye thamani ya milioni 200 majiko ya gesi 500, ng'ombe wawili kwa familia zenye uhitaji mifuko ya simenti kwenye misikiti, makanisa na shule.