DAS Songea awashauri wananchi kupata Bima ya Afya

Imewekwa kuanzia tarehe: July 20th, 2024

Katibu Tawala wa Wilaya ya Songea mkoani Ruvuma Mtela Mwampamba, amewataka Wananchi wa wilaya ya Songea kukata Bima ya Afya  ili kuwa na uhakika wa matibabu na Afya zao.

Mwampamba ameyasema hayo   wakati anazungumza kwenye Mkutano wa hadhara wa Mbunge wa Jimbo la Peramiho  uliofanyika katika vijiji vya  Nakahuka na Morogoro  kata ya Litisha.

“ Ndugu zangu wananchi, najua sasa wengi  mmevuna mazao  mna uwezo wa kukata Bima hata zile za 30,000 ambazo zinaweza kutibu watu sita. Hivyo nitoe wito kwa wananchi wote mjitahidi kuwa na Bima ya afya ili kujiwekea uhakika wa kupata matibabu wakati wote'',alisisitiza .

Mwampamba pia  amewakumbusha wananchi kupata cheti cha kuzaliwa kupitia simu yako  Simu janja ( Smart Phone)  ili kupunguza  safari za kwenda Ofisi ya Mkuu wa Wilaya kufuata chet cha kuzaliwa.