DC TUNDURU ahimiza watoto kuandikishwa shuleni

Imewekwa kuanzia tarehe: January 17th, 2024

Mkuu wa Wilaya ya Tunduru, Mhe.Wakili.Julius  Mtatiro amehimiza watoto kuandikishwa shuleni, na kusisitiza kuwa  elimu ni msingi wa mustakabali wa watoto na maendeleo ya jamii kwa ujumla.

Amesema watoto wanaopata elimu wanakuwa na uwezo mkubwa wa kushiriki katika shughuli za maendeleo na kuwa raia mwema katika jamii. Pia, asisitiza kuwa elimu ni njia ya kupambana na ujinga na umaskini ili kuwezesha maendeleo endelevu katika Wilaya yetu.

“Serikali inatoa fedha nyingi ili kuboresha miundombinu ya shule, kutoa vifaa vya kufundishia pamoja na kujifunzia” alisema Mhe.Wakili Mtatiro “Ni jukumu letu sote kuhakikisha watoto wanaandikishwa ili wapate elimu bora”,alisema Mtatiro

Aidha, Mhe.Wakili Mtatiro awahimiza wazazi kuchukua jukumu la kuwaandikisha watoto wao shuleni na amewakumbusha wazazi kuwa elimu ni haki ya kila mtoto na ni jukumu  lao kuhakikisha kwamba watoto wanapata elimu bora.