HALI ya lishe Nyasa inaimarika

Imewekwa kuanzia tarehe: July 27th, 2024

Wilaya ya Nyasa mkoani Ruvuma imefanya kikao cha tathimini ya Hali ya  lishe, kichofanyika  katika ofisi ya Mkuu wa Wilaya ya Nyasa Kata ya Kilosa mjini Mbambabay.

Akizungumza katika kikao hicho, Mkuu wa Wilaya ya Nyasa  Mheshimiwa Peres Magiri,aliyewakilishwa na Katibu Tawala ya wilaya ya Nyasa Bw.Salum Ismail  amesema kuwa Hali ya Lishe kiwilaya ni nzuri na   na hatua zaidi zinazidi kufanyika ili kuimarisha Lishe katika wilaya hiyo..

Akiwasilisha taarifa ya mafanikio ya utekelezaji wa Mkataba wa Lishe  katika kipindi cha  mwezi Januari hadi Machi 2014,Afisa Lishe wilaya amesema kuwa watoto wote wanaopatikana na utapiamlo mkali wanapatiwa matibabu na kupona na kwamba  Idara mtambuka zinaonesha  ushirikiano mzuri katika suala Zima la Lishe ,na  watoto wenye umri chini ya miaka mitano walipatiwa matone ya Vitamin A ndani ya Mwezi wa kampeni.

Naye  Kaimu Mkurugenzi Mtendaji wa Halmashauri ya Wilaya ya Nyasa bw.Pasifiki Mhapa amewataka wajumbe  wa kikao hicho  kuhakikisha Wanafunzi wote wanapata chakula shuleni ili  kudumisha lishe na afya  ya wanafunzi.