HALI ya upatikaji wa maji Namtumbo yafikia asilimia 71

Imewekwa kuanzia tarehe: February 7th, 2024

Utekelezaji wa miradi 15 ya maji katika Halmashauri ya wilaya ya Namtumbo mkoani Ruvuma imepunguza Kwa kiasi kikubwa malalamiko ya upatikanaji wa maji yaliyokuwepo huko nyuma.

Kaimu Meneja wa RUWASA katika wilaya ya Namtumbo Mhandisi Salumu Nachundu amesema kero za upatikanaji wa maji zimepungua baada ya kutekeleza miradi mingi ya maji na kuwawezesha  wananchi kupata mahitaji ya maji katika maeneo Yao.

Nachundu amebainisha kuwa utekelezaji wa miradi 15 ya maji katika Halmashauri ya Wilaya ya Namtumbo imepunguza kero za upatikanaji wa maji Kwa wananchi.

Katika utekelezaji wa miradi hiyo Nachundu amesema ipo miradi ambayo imekamilika na kwamba kuna miradi imefika asilimia 65 na miradi mingine ipo katika hatua za awali za kuanza.

Hassan Ndomondo mkazi wa Kijiji Cha Mgombasi kata ya Mgombasiamesema kero ya upatikanaji wa maji katika Kijiji hicho imepungua kutokana  na serikali kutoa kiasi Cha shilingi 150,000,000 ili kusambaza maji katika Kijiji hicho na vijiji vya jirani vya Mtumbatimaji na Nangero.

Hali ya upatikanaji wa maji katika wilaya ya Namtumbo   Imeongezeka kutoka asilimia 65  hadi kufikia  asilimia 71 .