HALMASHAURI za Ruvuma zimejipanga kuboresha sekta ya Michezo

Imewekwa kuanzia tarehe: September 15th, 2022

HALMASHAURI za Mkoa wa Ruvuma zimejipanga kuboresha sekta ya Michezo na kuepuka maandalizi ya zimamoto.

Akizungumza Afisa Michezo wa Mkoa wa Ruvuma Antony Luoga amesema katika hatua za uboreshaji wa Michezo itasaidia Mkoa kufanya vizuri katika Sekta ya Michezo kimkoa.

“Kila Halmashauri imeagizwa kuwa na vitalu ambavyo vitawaandaa wanamichezo kuepuka maandalizi ya zimamoto”.

Luoga amesema Shule ya Sekondari Mahanje  iliyopo Halmashauri ya Madaba kuwa Shule ya Michezo na  inapokea wanafunzi  wenye vipaji  vya michezo mbalimbali kutoka Halmashauri zote za Mkoa  wa Ruvuma ili kukuza vipaji vyao.

“Wanafunzi hawa ni wale waliofika ngazi ya Taifa  na kufaulu mitihani yao ya Shule ya  Msingi”.

Amesema juhudi za kuwashirikisha wananchi katika juhudi za kuchangia  na kuendeleza  Michezo  katika Mkoa wa Ruvuma unaendelea pamoja na kuhamasisha wananchi kushiriki katika kufanya mazoezi na michezo mbalimbali ya asili ya Tanzania.

“Timu ya Majimaji kuwa katika mchakato wa kuwa kampuni ili kuboresha mwenendo wake”.

Imeandaliwa na Aneth Ndonde

Kutoka Kitengo cha Mawasiliano Serikalini Ofisi ya Mkuu wa Mkoa wa Ruvuma

Septemba 15,2022.