Jamuhuri ya Muungano wa Tanzania Ofisi ya Rais Tawala za Mikoa na Serikali za Mitaa Mkoa wa Ruvuma

HARAMBEE ya Waziri Mkuu Lituhi yakusanya milioni 52.3

Imewekwa kuanzia tarehe: August 5th, 2024

Waziri wa Nchi Ofisi ya Waziri Mkuu, ( Sera, Bunge na Uratibu) Mheshimiwa Jenista Mhagama amemwakilisha Waziri Mkuu Mheshimiwa Kassim Majaliwa katika Harambee ya ujenzi wa kanisa Anglikana la Mtakatifu Mariamu la Lituhi Nyasa Dayosisi ya Ruvuma.

Katika Harambee hiyo jumla ya shilingi milioni 52.3 zimekusanywa ambapo hadi sasa zaidi ya shilingi milioni 84 zimetumika kujenga kanisa hilo ambalo linatarajia kutumia zaidi ya shilingi milioni 150 hadi ujenzi kukamilika.