IFAHAMU mbegu ya mahindi inayozalisha magunia 55 kwa hekari

Imewekwa kuanzia tarehe: April 16th, 2024

Shirika la BRITEN limeratibu utoaji elimu ya kilimo kuhusu mbegu bora na mbolea kupitia shamba darasa la zao la mahindi kwa wakulima wa Mtaa wa Masigira Kata ya Tanga Manispaa ya Songea mkoani Ruvuma.Elimu hiyo imetolewa ikiwa ni siku ya mkulima  ambayo katika Manispaa ya Songea imefanyika katika kata ya Tanga ambapo kampuni mbalimbali za uzalishaji mbegu za mahindi zilitoa elimu ya ubora wa mbegu za mahindi na mbolea.

Afisa Mauzo  na Bwana Shamba kutoka Kampuni ya Seedco Tanzania Limited Erick Ng,oro ameitaja mbegu ya mahindi ya chapa Tembo kuwa inafanya vizuri katika Mkoa wa Ruvuma ambayo inamwezesha mkulima kuzalisha mahindi kati ya gunia 50 hadi 55 kwa hekari moja hivyo ameshauri wakulima kuitumia mbegu hiyo kwa kuzingatia kanuni za kilimo ili kutoa matokeo makubwa