Jamuhuri ya Muungano wa Tanzania Ofisi ya Rais Tawala za Mikoa na Serikali za Mitaa Mkoa wa Ruvuma

KAMPENI ya kitaifa ya matumizi sahihi ya mbolea yazinduliwa Ruvuma

Imewekwa kuanzia tarehe: July 24th, 2024

NAIBU Waziri wa Nishati Mheshimiwa Judith Kapinga amesema Mkoa wa Ruvuma unaongoza kwa matumizi ya mbolea nchini ambapo jumla ya tani 113,000 za mbolea ya ruzuku zimetumika.

Kapinga amesema hayo wakati anazungumza kwenye hafla ya uzinduzi wa kampeni ya matumizi sahihi ya mbolea iliyofanyika kwenye ukumbi wa Pacific One mjini Mbinga.

Kwa upande wake Kaimu Katibu Tawala wa Mkoa wa Ruvuma Jumanne Mwankhoo amesema ongezeko kubwa la matumizi ya mbolea kwa wakulima limetokana na usimamizi mzuri wa mfumo wa mbolea ya ruzuku na maelekezo mbalimbali yaliyotolewa na wataalam wa kilimo.