LIGOMA Tunduru wajengewa shule mpya ya msingi

Imewekwa kuanzia tarehe: November 7th, 2023

Serikali imetoa zaidi ya shilingi milioni 513 kwa ajili ya kujenga shule mpya ya msingi Ligoma katika Halmashauri ya Wilaya ya Tunduru Mkoani Ruvuma.

Taarifa ya ujenzi wa shule mpya ya msingi Ligoma inaonesha kuwa  ujenzi huo unaendeshwa na fedha kutoka selikari kuu kwa kupitia mradi wa BOOST ambapo umelengo  kujenga vyumba vya madarasa 16, jengo la utawala, matundu ya vyoo ishirini na nne pamoja na kichomea taka.

“wananchi wameshiriki kwa hatua mbalimbali kama vile usafishaji wa eneo la utekelezaji, uchimbaji wa msingi, usombaji wa tofari na maji pamoja na  kusomba   mchanga  tripu 80 wenye thamani ya fedha zaidi shilingi milioni 6”, imeeleza taarifa hiyo.

Hata hivyo kwa mujibu wa taarifa hiyo mradi umefikia asilimia 95 ya utekelezaji wake na upo katika hatua mbalimbali za umaliziaji Pamoja na utengenezaji wa samani kama madawati, viti, meza, uwekaji wa  bembea kwa madarasa ya Awali  pamoja na kukamilisha ujenzi wa kichomea taka.

Ni ukweli usiopingika kuwa Serikali ya Awamu ya Sita inayoongozwa na Rais Dkt Samia Suluhu Hassan imefanya maendeleo makubwa  katika kijiji cha Ligoma kwa kuwajengea shule mpya ya msingi ambayo itasaidia jamii hiyo kupata elimu bora kwenye mazingira salama na rafiki kwa maendeleo endelevu.

Imeandikwa na Farida Baruti

Kutoka Kitengo cha Mawasiliano Serikalini Ofisi ya Mkuu wa Mkoa wa Ruvuma