Maafisa ugani waaswa kuwajengea uwezo wakulima

Imewekwa kuanzia tarehe: September 2nd, 2024

Katibu Tawala  Mkoa wa  Ruvuma  Ndugu Mary Makondo amewaasa maafisa Ugani wa  Serikali kuwajibika na kuwawezesha wakulima ili kuongeza uzalishaji wa zao la Soya katika Mkoa wa  Ruvuma.

Ameyasema hayo wakati akifungua kikao cha kujadili uzalishaji wa zao la soya kilichofanyika katika ukumbi wa Cottage heritage Mjini Songea.

"Bado tunajitihada kubwa za kufanya na tuwajibike zaidi, ubunifu zaidi, tufanye utafiti zaidi, tusiridhike na pale ambapo tumefikia, wale watumishi wa Serikali tufanyeni wajibu wetu wa kuwawezesha wakulimai" ,alisema.

Katibu Tawala amewasisitiza  maafisa Ugani i kujenga mazingira wezeshi  kwa wakulima, kujituma na kufanya kazi kwa bidii ili  kuongeza uzalishaji wa zao hilo.

Sanjari na hayo ameziomba Taasisi za fedha kuendelea kutoa elimu na kuwa tayari kuwawezesha wakulima katika uzalishaji wa zao la Soya.

Zao la soya hutumika  kutengeneza vyakula vya binadamu, mifugo, matumizi katika viwanda vya dawa na matumizi mengineyo..