MAAGIZO ya Rais Samia Namtumbo yatekelezwa

Imewekwa kuanzia tarehe: October 9th, 2024

Meneja wa RUWASA Wilaya ya Namtumbo mkoani Ruvuma  Mhandisi David Mkondya amepokea bomba za mradi wa Maji Mchomoro ambao kukamilika kwake kutawanufaisha wananchi wasiopungua 10000 wa vijiji vya Songambele na Mchomoro.

Kuwasili kwa vifaa hivyo ni utekelezaji  wa maagizo ya  Rais wa Jumhuri ya Muungano wa Tanzania Dkt Samia Suluhu Hassan akiwa wilayani Namtumbo alimwagiza Waziri wa Maji Mhe Jumaa Aweso  kumfuatilia Mkandarasi Azhar anayetekeleza ujenzi wa mradi kwa sababu ya kusuasua kwa ujenzi wa mradi huo.

Waziri wa Maji alifanya kikao na Mkandarasi wa Mradi, viongozi wa wilaya, kata na wananchi  na kumuagiza Mkandarasi kufanya kazi na kutekeleza mradi huo ndani ya miezi miwili, ambapo tayari vifaa vyote vinavyohitajika kwenye mradi  huo wenye thamani ya shilingi bilioni 2.2 vimepatikana.