MANISPAA ya Songea yatoa chanjo ya Surua kwa watoto 32,272

Imewekwa kuanzia tarehe: February 29th, 2024

HALMASHAURI ya Manispaa ya Songea mkoani Ruvuma imefanikiwa kutoa chanjo ya surua-rubella  kwa Watoto 32,272  wenye umri wa kuanzia miezi tisa hadi 59.

Mkuu wa Wilaya ya Songea Mheshimiwa Kapenjama Ndile  amesema idadi hiyo ya Watoto waliopata chanjo ni sawa na asilimia 112 ya lengo la kutoa chanjo kwa Watoto 28,794.

“Mafanikio haya yametokana na uhamasishaji wa jamii kupitia vyombo vya Habari,matangazo kwa njia ya gari la matangazo (PA),mikutano ya hadhara na uhamasishaji uliofanywa na wahudumu wa Afya ngazi ya jamii’’,alisema Ndile.

Wizara ya Afya na Wizara ya Ofisi ya Rais TAMISEMI inaendesha kampeni ya kitaifa ya kutoa chanjo ya surua-rubella kwa Watoto wote wenye umri wa miezi tisa hadi 59.

Mkoa wa Ruvuma umepanga kuchanja chanjo ya surua-rubella kwa Watoto zaidi ya 200,000