MBINGA wahamasisha unywaji maziwa mashuleni

Imewekwa kuanzia tarehe: June 7th, 2023

Halmashauri ya Wilaya ya Mbinga mkoani Ruvuma kupitia Divisheni ya Kilimo,Mifugo na Uvuvi imeendesha zoezi la kuhamasisha unywaji wa maziwa ili kuwajengea wananchi tabia ya kunywa maziwa yenye viini lishe vya kutosha  vya kuupa mwili mahitaji mhimu ili kukabiliana na utapiamlo na udumavu.

Akizungumza wakati wa zoezi hilo lililofanyika katika shule za msingi Mahenge na Litembo, Afisa Mifugo wa Halmashauri ya Wilaya ya Mbinga  Haruna Masige amebainisha kuwa  maziwa yana viini lishe vya kutosha  kama vile  protini,vitamini, mafuta, wanga pamoja na  madini ya calcium na phosphorus  ambavyo ni mhimu  sana katika ukuaji na  kuboreshaji wa  afya.

Wilaya ya Mbinga inaendesha zoezi hilo ili  kuunga mkoni jitihada zinazofanywa na Rais wa Jamhuri ya Muungano wa Tanzania Mhe. Dkt,Samia Suluhu Hassan za kuimarisha lishe na kutokomeza  utapiamlo na udumavu nchini