MBINGA wavuka lengo la upandaji miche ya miti

Imewekwa kuanzia tarehe: February 2nd, 2024

AFISA Misitu wa Halmashauri ya Mji wa Mbinga mkoani Ruvuma Bw. Sota  Ndunguru amesema tayari Halmashauri hiyo kwa kushirikiana na wadau mbalimbali wa misitu, imezalisha miche milioni 1.6 ili kuendeleza kampeni ikiyoanzishwa na Mkuu wa Mkoa wa Ruvuma ya kupanda miti milioni 4.9 hadi kufikia Aprili 2024.

 Ndunguru amesema hayo wakati anazungumza kwenye kampeni ya upandaji miti uliofanyika katika shule ya Msingi Mkwaya, Kata ya Kilimani wilayani humo.

“ Katika mwaka wa fedha 2023/24 Halmashauri ya Mji wa Mbinga kwa kushirikiana na wadau mbalimbali wa misitu imezalisha miche ya miti milioni 1.6 tumevuka lengo kwa asilimia 6.7 “,alisema Bw. Ndunguru.

Ameitaja miche ya miti iliyozalishwa ni ya matunda, rafiki ya maji,, miti ya mbao,kivuli na mapambo.

Amebainisha kuwa  kari ya miche ya miche ya kivuli, mbao na mapambo ni milioni 1.347, matunda 232, 890 na na miche rafiki kwenye vyanzo vya maji 22, 920.

Wakizungumza kwenye kampeni hiyo baadhi ya madiwani wamewaagiza walimu wakuu  kuweka utaratibu wa kila mwanafunzi kupanda mti na kuumiliki mti wake na kuhakikisha anautunza.

Madiwani hao pia wamewashauri viongozi wa vijiji kutunga sheria ndogondogo ili kuhakikisha miti inatunzwa.