MKOA Ruvuma watoa washindi wawili wa ngumu kitaifa

Imewekwa kuanzia tarehe: September 21st, 2020

MKOA wa Ruvuma umefanikiwa kutoa mabingwa wawili   katika mchezo wa ngumi za ridhaa kitaifa uliofanyika Mkoa  wa Manyara.Mchezo huo ulianza Septemba 7 hadi 12, 2020 na kuibua washindi wawili ambao wamepata medali  mbili za fedha (Silver) na shaba.

Washindi hao ni Athanas Mgungusi ambaye ni Mhifadhi wa wanyamapori  wa  Maliasili Mkuzo mjini Songea ambaye amejishindia medali ya fedha na Hosea Thomas  ni Mhtimu wa chuo kikuu shahada ya Elimu ambaye amepata medali ya shaba.Akitoa taarifa ya ushindi huo katika hafla fupi iliyofanyika katika ofisi ya Katibu Tawala Mkoa wa Ruvuma,Afisa Michezo wa Mkoa wa Ruvuma Anzawe Chaula amesema ushindi huo ni mkubwa ambao haujawahi kutokea katika mkoa wetu

Amesema kutokana na ushindi huo mkubwa waandaji wa mchezo huo kitaifa wamependekeza kupeleka mabondia hao  walioshinda kutoka Mkoa wa Ruvuma wapelekwe kwenye fainali ya kitaifa ambazo zinatarajia kufanyika Desemba 2020. Hata hivyo chaula amesema mabondia hao wamefika ofisi ya Katibu Tawala Mkoa ambaye ni Mwenyekiti wa Michezo Mkoa  kwa lengo la kukabidhi ushindi.

Kwa upande wake Katibu Tawala wa Mkoa wa Ruvuma Steven Ndaki amesema kupitia ushindi uliopatikana katika Mkoa wa Ruvuma imekuwa ni historia ambayo haikuwahi kutokea tangu kuanzishwa kwa Mkoa huo.

‘’Juhudi hii waliyoionesha nipo tayari kutoa msaada katika  fainali zitakazofanyika Desemba  mwaka huu ili kuwawezesha kupata ushindi katika Mkoa wetu’’.alisema Ndaki.

Mkoa wa Ruvuma kwa mara ya kwanza umetoa washindi wawili  kitaifa kwa mchezo wa ngumi za ridhaa.

Imeandikwa na Farida Musa na Aneth Ndonde

Ofisi ya Mkuu wa Mkoa wa Ruvuma

Septemba 21,2020