MKUU wa Mkoa ashauri wananchi kujitokeza kuhesabiwa

Imewekwa kuanzia tarehe: March 10th, 2022

MKUU wa Mkoa wa Ruvuma Brigedia Jenerali Wilbert Ibuge ametoa rai kwa wananchi  mkoani hapa kujitokeza kwa wingi  kuhesabiwa ifikapo Agosti 2022.

Ametoa rai hiyo wakati anazungumza na wananchi wa Madaba wilayani Songea katika ziara yake ya kikazi aliyoifanya hivi karibuni.

RC Ibuge amelitaja  zoezi hilo  kuwa litawezesha Taifa kupanga mipango ya Maendeleo ya muda mfupi na mrefu kwa mstakabali ya maisha ya wananchi.

 Hata hivyo amesema zoezi hilo linaenda sanjari na uwekaji wa anwani za makazi na postikodi ili tuwe na uhakika wa kufanikisha sense ya mwaka huu.

“Niwakumbushe kuwa mwaka huu tunafanya sensa ya watu na makazi Hivyo nawahimiza wananchi wote kujitokeza kuhesabiwa’’,alisema RC Ibuge.

Katika hatua nyingine RC  Ibuge amewakumbusha wananchi  kujikinga na VVU na UKIMWI ambapo amewaasa  wazazi na walezi kuwaelimisha vijana wao  dhidi ya janga hili.

Imeandaliwa  Ofisi ya Habari Mkoa wa Ruvuma

Machi 9,2022.