NAMTUMBO wabuni vyanzo vipya vya mapato

Imewekwa kuanzia tarehe: January 4th, 2024

Baraza la Madiwani la Halmashauri ya wilaya ya Namtumbo mkoani Ruvuma limepokea Mapendekezo ya kuanzisha  vyanzo vipya  vya mapato kwa lengo la kuongeza mapato ya ndani.

Diwani wa kata ya Mkongo Mheshimiwa Daniel Nyambo alisema Mapendekezo hayo ni mazuri lakini akaomba madiwani wapate muda wa kupitia vyanzo hivyo na baraza lijalo waweze Kutoa maamuzi.

Mheshimiwa Lukas Njogopa ni Diwani wa kata ya Rwinga alisema kuwa ni vyema waheshimiwa madiwani wakapitie vyanzo hivyo vya mapato Ili katika Baraza  lijalo waje na maamuzi mazuri

Katibu wa Kamati ya Mapato ambaye ni Afisa Mipango na Uratibu wa Halmashauri ya wilaya ya Namtumbo Musa Mumina katika taarifa amevitaja vyanzo vipya vya mapato vinavyopendekezwa ni pamoja na ujenzi wa vibanda vya biashara,ujenzi wa karakana ya magari na mitambo,mashine ya kufuatilia tofali  za saruji.,kiwanda Cha maji ya chupa na ujenzi wa shule ya Sekondari.

Vyanzo vingine amevitaja  kuwa ni ununuzi wa mashine ya kuchakata kokoto,ujenzi wa ghala la kuhifadhia mazao,ujenzi wa stendi ndogondogo kwenye ngazi ya kata na vijiji pamoja na kituo Cha kuuza mafuta(Petrol  station)

Mapendekezo ya vyanzo vipya vya mapato katika Halmashauri ya wilaya ya Namtumbo yatatolewa katika baraza la madiwani la  robo yapili linalotarajiwa kufanyika hivi karibuni