RAIS Samia atoa zawadi za Krimas kwa makundi maalum Tunduru

Imewekwa kuanzia tarehe: December 26th, 2024

Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan ametoa zawadi mbalimbali  za Krimas kwa wananchi, hasa wale waliopo kwenye makundi maalum. Zawadi hizi zimewasilishwa na Mwakilishi wa Mkuu wa Wilaya ya Tunduru Ndg. Milongo Sanga,ambaye ni Katibu Tawala wa Wilaya ya Tunduru

Akizungumza kwenye hafla ya kukabidhi zawadi hizo, Sanga amesema Zawadi hizi zimeandaliwa ili kuwasaidia wananchi hawa kusherehekea sikukuu ya Krismasi kwa furaha na kwa njia inayofaa..

"Ni hatua ya kuonesha upendo na mshikamano wa kitaifa, hasa kwa wale wanaohitaji msaada zaidi katika jamii" Alisema Ndg. Sanga  na kuongeza kuwa Rais Samia Suluhu Hassan anaendelea kuimarisha ustawi wa jamii na kusaidia makundi maalum, ikiwa ni pamoja na wanawake, watoto, na wazee.