RC Ibuge aagiza Ruzuku za ununuzi wa Mahindi Ruvuma iwanufaishe wakulima

Imewekwa kuanzia tarehe: November 8th, 2021

MKUU wa Mkoa wa Ruvuma Balozi,Jenerali Wilbert Ibuge ameipongeza Serikali kwa kuongeza fedha miioni 50 kwaajili ya unuuzi wa Mahindi kwa mikoa ya nyanda za juu kusini.

Hayo amesema leo ofisini kwake alipotembelewa na wajumbe wa bodi ya ushauri  kutoka NFRA  na kuipongeza Serikali ya awamu ya sita, ikiwa wananchi wa Mkoa wa Ruvuma kuzalisha Mahindi kwa chakula na Biashara ambayo italeta ari kwa wakulima wa Mahindi kuzalisha tena kwa msimu ujao.

Mkuu wa Mkoa ameongelea utekelezaji wa ununuzi wa Mahindi kuwa unaendelea vizuri ikiwemo changamoto zilizojitokeza  zimeshughulikiwa na  kutatuliwa kwa  haraka kwa kushirikiana na Waziri wa Kilimo.

Ibuge amesema matarajio yake katika ununuzi wa awamu hii utaendelea kwa makusudi ya Serikali Mkulima apate faida, na kuhakikisha ununuzi unafanyika kwenye vituo ili kuwe na uwazi ya wanaofaidika na shilingi 500 kwa kilo ni Wakulima na siyo wafanyabiashara.

“Siyo kwamba hatuwapendi wafanyabiashara,ila mfanyabiashara anauwezo wa kukusanya na kujipanga kupeleka kwenye masoko mengine ruzuku iliyotolewa na Rais kwa Mkoa wa Ruvuma imeletwa kwaajli ya kunufaisha wakulima  zaidi ”.

Hata hivyo Ibuge amemwagiza Meneja wa NFRA wa Mkoa wa Ruvuma pamoja na Halmashauri mpaka vijijini usimamizi uendelee na changamoto zitatuliwe kwanharaka pale zinapojitokeza bila kuwa na maslahi binafsi.

Imeandaliwa na Aneth Ndonde

Kutoka Ofisi ya Habari ya Mkuu wa Mkoa wa Ruvuma

Novemba 8,2021.