RC MNDEME atoa taarifa ya utekelezaji wa Ilani ya CCM ya mwaka 2015/2020

Imewekwa kuanzia tarehe: July 18th, 2020

• Mkuu wa Mkoa wa Ruvuma ametoa taarifa ya utekelezaji wa Ilani ya Uchaguzi ya CCM ya mwaka 2015/2020 katika hafla iliyofanyika kwenye ukumbi wa Parokia ya Bombambili mjini Songea .
• Uchumi na pato la mtu kwa mwaka; Uchumi wa Mkoa hutegemea Kilimo ambapo zaidi ya asilimia 87 ya wakazi wake hupata riziki yao kupitia Kilimo na kuchangia pato la Mkoa kwa asilimia 75. Pato la Mkoa wa Ruvuma (Regional/Gross Domestic Product - GDP) limeongezeka kutoka Tshs. 3,680,359,000,000.00 mwaka 2015 hadi Tshs. 5,317,073,000,000.00 mwaka 2019 sawa na ongezeko la asilimia 44.47. Aidha, pato la Taifa la mtu (Per Capital income) kwa mwaka 2015 lilikuwa Tshs. 2,505,569.00 na limeongezeka hadi Tshs. 3,288,256.00 mwaka 2019 ikiwa ni ongezeko la asilimia 31.23 haya ni mafanikio makubwa yaliyofanywa na Rais wetu.
•  
• UTEKELEZAJI WA ILANI YA UCHAGUZI KWA KIPINDI CHA MIAKA MITANO

Mkoa wa Ruvuma umeendelea kutekeleza kwa mafanikio Ilani ya Uchaguzi Mkuu ya CCM ya mwaka 2015-2020 kwa kuhakikisha kuwa Serikali katika ngazi zake zote – Serikali Kuu na Mamlaka za Serikali za Mitaa zinaendelea na jitihada za kuzikabili changamoto mbalimbali ikiwemo kuondoa umasikini, kupunguza tatizo la ajira kwa vijana, kuendeleza mapambano dhidi ya adui rushwa na ubadhirifu wa mali za umma, kudumisha amani, ulinzi na usalama wa maisha ya raia na mali zao. Katika kipindi cha taarifa hii, Mkoa umepiga hatua za kimaendeleo katika sekta za kilimo, mifugo, ushirika, uvuvi, madini, maliasili, miundombinu, mawasiliano na uchukuzi, nishati, afya, elimu na maji. Aidha, kumekuwa na mafanikio katika Sekta ya maendeleo ya jamii na utawala bora, kama inavyoonekana kwenye maelezo yafuatayo kwa kina katika sekta zote.

 SEKTA YA ELIMU

• Maelekezo ya Ilani ya CCM ya Uchaguzi ya mwaka 2015 katika sekta ya Elimu ni kuhakikisha elimu katika ngazi zote inakuwa na ubora unaostahili ili kuwezesha vijana na makundi mengine kumudu ushindani wa soko la ajira ambalo wigo wake umepanuka ndani na nje ya Jumuiya ya Afrika Mashariki. Msisitizo mkubwa wa Serikali ni kuendelea kusimamia utekelezaji wa Sera ya Elimu na Mafunzo ya mwaka 2014.
•  
• Hali ya utoaji wa Elimu, taaluma Na miundombinu ya shule katika Mkoa 
• Katika kutekeleza maelekezo ya Ilani, Mkoa umefanya jitihada mbalimbali katika kuboresha sekta ya elimu kwenye ngazi zote.
• UTEKELEZAJI WA ILANI YA CHAMA CHA MAPINDUZI TANGU 2015-2020

Idadi ya Shule; Tangu mwaka 2015 hadi 2020 Mkoa umekuwa na ongezeko la idadi ya shule za msingi 103 kutoka  idadi ya shule 670 zilizokuwepo  mwaka 2015 hadi shule  773 mwaka 2020. Shule za sekondari zimeongezeka kutoka idadi ya shule 111 mwaka 2015 hadi shule 205 kufikia mwaka 2020 sawa na asilimia 54 ambalo ni ongezeko la shule 94.

Uandikishaji wa  wanafunzi umeongezeka na kuimarika ambapo kuna ongezeko la uandikishaji wa wanafunzi wa darasa la kwanza kwa idadi ya wanafunzi  50021  hadi kufikia Juni 2020 ukilinganisha na idadi ya wanafunzi 47978  mwaka 2015 sawa na  ongezeko la asilmia 4.2 .

Itaendelea