RC Thomas akabidhi magari na pikipiki Wilaya za Namtumbo na Tunduru

Imewekwa kuanzia tarehe: May 25th, 2023

MKUU wa MKoa wa Ruvuma Kanali Laban Thomas amekabidhi magari  manne na pikipiki 15 kwa Halmshauri ya Wilaya ya Namtumbo na Tunduru, lengo kuu ni kuendelea kuimarisha ulinzi na uhifadhi wa maliasili katika mfumo wa Ikolojia  kwenye Ushoroba wa Selous-Niassa katika Halmashauri hizo.

Vitendea kazi hivyo vimetolewa kupitia mradi wa Selous Ecosystem Conservation and Development  (SECAD) ambao unatekelezwa kwa fedha za msaada kutoka Serikali ya Ujerumani kupitia Benki ya Maendeleo ya Ujerumani KFW

Hafla hiyo ya makabidhiano ya vitendea kazi hivyo vipya imefanyika katika viunga vya Ofisi ya Mkuu wa Mkoa wa Ruvuma mjini Songea leo Mei 25, 2023 na imehudhuriwa na wadau mbalimbali wa utalii wakiwemo WWF.