RUHILA ZOO yaongoza kwa idadi ya watalii Ruvuma

Imewekwa kuanzia tarehe: September 28th, 2023

BUSTANI ya asili ya wanyamapori ya Ruhila iliyopo Manispaa ya Songea imeongoza kwa kupokea idadi ya watalii waliofikia 5.461 kati ya watalii 10,069 walifika mkoani Ruvuma katika kipindi cha Januari hadi Agosti mwaka huu.

Akitoa taarifa  kwenye uzinduzi wa Mkakati wa Utalii Mkoa wa Ruvuma  ndani ya ukumbi wa Manispaa ya Songea ,Mkuu wa Mkoa wa Ruvuma Kanali Laban Thomas  alivitaja vivutio vingine vilivyotembelewa katika kipindi hicho kuwa ni Hifadhi ya  Taifa ya mazingira Asilia ya Mwambesi Tunduru ilipokea wageni 637,Makumbusho ya Taifa ya Majimaji wageni 2,977,Makumbusho ya  Dkt.Rashidi Kawawa wageni 642 na Hifadhi ya Mazingira ya Matogoro wageni 310.