SERIKALI yatoa zaidi ya shilingi milioni 900 kujenga sekondari na shule ya msingi Mbinga

Imewekwa kuanzia tarehe: April 24th, 2024

Serikali ya Awamu ya Sita inayoongozwa na Rais Dkt. Samia Suluhu   imetoa zaidi ya shilingi milioni 900 kujenga sekondari  na shule mpya ya msingi katika Kata ya Matarawe Halmashauri ya Mji wa Mbinga mkoani Ruvuma.

shule mpya zilizojengwa ni pamoja na sekondari mpya ya Philip Mpango   iliyotumia zaidi ya shilingi milioni 560  zilizotolewa kupitia Program ya Uboreshaji wa Elimu ya sekondari SEQUIP  na ujenzi wa  shule mpya ya msingi katika Kata ya Matarawe inayoitwa Matengo Primary School iliyojengwa na serikali kwa  zaidi ya shilingi milioni 331  kupitia program ya BOOST.

Sekondari mpya ya Dkt. Philip Mpango  imeanza kuchukua wanafunzi wa kidato cha kwanza ambao hadi sasa wapo wanafunzi 162 na shule mpya ya msingi Matengo ina jumla ya wanafunzi 666