SERIKALI yawataka Wazazi kusimamia malezi na makuzi ya Watoto

Imewekwa kuanzia tarehe: September 29th, 2023

Mkuu wa Mkoa wa Ruvuma Kanali Laban Thomas amewataka Wazazi na Walezi mkoani Ruvuma kuwajibika katika kusimamia makuzi na malezi ya Watoto ili kuijenga jamii bora ya baadae

Akizungumza kwenye uzinduzi wa program jumuishi ya taifa ya malezi makuzi na maendeleo ya mtoto (PJT-MMMAM) Mwakilishi wa Mkuu wa Mkoa ambaye pia ni Mkuu wa Wilaya ya Mbinga Mhe, Aziza Mangosongo ambapo hafla hiyo imefanyika katika ukumbi wa Manispaa ya Songea

Amesema kuwa  lengo kuu la program ni kukumbushana kuwekeza katika malezi ya watoto wenye umri wa miaka 0 hadi 8 kwani ndio umri  ambao ukuwaji na ujifunzaji wa mtoto unakua kwa kasi zaidi

“Katika kutekeleza program hii kwenye Wilaya pamoja na Halmashauri tunapaswa kuangalia changamoto zinazotukabili  kwa kuishilikisha jamii kwani ukiitazama program watekelezaji wakuu ni wazazi na walezi  wanatakiwa kutenga muda wa kukaa na kuwasikiliza watoto ili kubaini changamoto zao ”