TUNDURU wauza ufuta kilo moja kwa sh.3,822

Imewekwa kuanzia tarehe: June 2nd, 2023

MNADA wa kwanza katika zao la ufuta umefanyika katika kijiji cha Lukumbule Wilayani Tunduru mkoani Ruvuma  ambapo jumla ya kilo 857,977.70 za ufuta zimeuzwa kupitia mfumo wa stakabadhi ghalani.
Taarifa ya Idara ya Ushirika Wilaya ya Tunduru inaeleza kuwa katika mnada huo kampuni 14 zilishindanishwa ambapo kampuni tatu zilishinda kwa bei ya kilo moja ya ufuta kuuzwa  kwa bei ya wastani shilingi  3,822 kwa kilo.
Wakulima Wilaya ya  Tunduru wameipongeza serikali kwa kuanzisha mfumo wa stakabadhi ghalani ambao umeleta tija kubwa kwa wakulima
Hivi karibuni wakulima wa ufuta katika kijiji cha Lisimonji Wilaya ya Namtumbo wameuza kilo moja ya ufuta kupitia mfumo wa stakabadhi ghalani kwa shilingi 4,105