TUNDURU yawapiga jeki vijana,wanawake na wenye ulemavu sh. milioni 240

Imewekwa kuanzia tarehe: April 8th, 2021

HALMASHAURI ya Wilaya ya Tunduru mkoani Ruvuma imetoa mkopo wa shilingi milioni 240 ambayo ni asilimia  10 ya mapato ya ndani kwa ajili ya kuwawezesha vijana,wanawake na wenye ulemavu .

Mkurugenzi Mtendaji wa  Halmashauri hiyo Gasper   Balyomi  amekutana na kufanya mazungumzo na Wanufaika wa mkopo wa Halmashauri hiyo  ambapo wanufaika hao ni Wanawake asilimia  nne, Vijana asilimia  nne na Walemavu asilimia mbili.

Amesema Halmashauri ya Wilaya ya Tunduuru imetenga kiasi cha shilingi 240  kwajili ya kuwakopesha  Wanawake, Vijana na Wenye ulemavu ambayo ni  asilimia kumi  inayo takiwa kutolewa kwa  vikundi hivyo  kwa kipindi cha  mwaka wa fedha .

Hata hivyo Mkurugenzi  huyo amevipongeza vikundi vya Wanawake kwa kuonesha  mwenendo mzuri wa kurejesha mkopo huo  ambapo ametoa rai wananchi wajiunge katika vikundi  ili wanufaike na mkopo huo wa Halmashauri na kusisitiza vikundi ambavyo wamekopa mkopo na hawajaresha mikopo yao  warejeshe  mikopo kwa wakati ili kutoa  fursa kwa vikundi vingine kukopa.

 “kwa vikundi ambavyo vinakopa na kurejesha mikopo yao kwa wakati vitapewa kipaumbele na kuongezewa kiwango cha mkopo”,alisema na kuongeza kuwa  hadi  sasa kuna vikundi vinarejesha vizuri marejesho.

Imeandikwa na  Afisa Habari Halmashauri ya Tundurui