Jamuhuri ya Muungano wa Tanzania Ofisi ya Rais Tawala za Mikoa na Serikali za Mitaa Mkoa wa Ruvuma

WANAFUNZI walivyohamasika kutembelea bustani ya Ruhila Songea

Imewekwa kuanzia tarehe: September 11th, 2023

WANAFUNZI 746 wa shule za msingi na sekondari ndani ya siku 60 wametembelea bustani ya asili ya Wanyamapori Ruhila Iliyopo mjini Songea mkoani Ruvuma.

Afisa Utalii wa bustani hiyo iliyopo chini ya Mamlaka ya Usimamizi wa Wanyamapori Tanzania (TAWA) David Tesha amesema wanafunzi wengi wanatembelea bustani hiyo baada ya maafisa wa TAWA kutoa elimu endelevu ya uhifadhi na utalii katika shule mbalimbali mkoani Ruvuma.

Ruhila ni bustani pekee ya asili ya Wanyamapori iliyopo mjini Songea iliyoanzishwa mwaka 1974 ikiwa na Wanyamapori adimu kama simba,nyumbu,pundamilia na pofu.