WANANCHI wa Kusini walivyonufaika na maonesho ya Utalii Iringa

Imewekwa kuanzia tarehe: September 28th, 2023

WAKAZI wa  mikoa kumi ya kusini wamenufaika na fursa ya  maonesho ya Utalii  karibu kusini yaliyofanyika katika viwanja vya Kihesa Kilolo mkoani Iringa  kuanzia Septemba 23 hadi 28 mwaka huu.

, Mkuu wa Mkoa wa Iringa Mheshimiwa Halima Dendego amesema kwenye maonesho hayo  zimeoneshwa fursa za Uwekezaji na utalii kutoka kwenye mikoa hiyo.

Pia limefanyika kongamano la uwekezaji, utalii wa mitaani na tamasha ya utamaduni  katika mikoa yote 10.

Shughuli nyingine zilizofanyika kwenye tamasha hilo amezitaja kuwa ni mbio za marathoni za hiari, kilomita 5 na kilomita 10, mbio za magari na pikipiki na maonesho ya wanyama hai, utalii wa kamba na burudani.

“Lengo la maonesho hayo ni kuendeleza kampeni ya The Royar Tour ilioanzishwa na Rais wa Jamhuri ya Muungano wa Tanzania Mhe. Dkt. Samia Suluhu Hassan Pamoja na kutangaza fursa za utalii na uwekezaji zilizopo kusini mwa Tanzania,”alisisitiza  RC Halima