WANANCHI wasio fikiwa na makarani wa Sensa watoe taarifa

Imewekwa kuanzia tarehe: September 3rd, 2022

Mkuu wa wilaya ya Songea, Mhe. Pololet Mgema, amewataka wananchi ambao hawakufikiwa na makarani wa Sensa ya watu na makazi, watoe taarifa ili waweze kuhesabiwa.

Aliyasema hayo katika baraza la madiwani wa  Halmashauri ya Wilaya ya Songea alipokuwa akitaja takwimu za zoezi la kuhesabu anwani za makazi katika  halmsahauri hiyo

Mhe. Mgema alisema kuwa mpaka sasa halmashauri hiyo imesajili makazi Zaidi ya 43,978. Pia alisema wale ambao hawakuweza kufikiwa na makarani kipindi cha sensa ya watu na makazi kwasababu mbalimbali watoe taarifa ili kuhisaidia serikali ipate taarifa sahihi

“Niwaombe  nitumie nafasi hii kuwaeleza wananchi kuwa  zoezi la kuandikisha anwani za makazi ni endelevu, lakini kama kuna mwananchi ajahesabiwa, bado ajachelewa  atoe taarifa ili aweze kufikiwa na makarani na ahesabiwe kwa kufanya hivyo atakuwa ametimiza wajibu wake kisheria”alisema Mgema.

Pia ameipongeza halmashauri hiyo kwa kufanya vizuri kwenye zoezi la sensa ya watu na makazi kwa kuvuka malengo iliyojiwekea na kwa kufanya vizuri kwenye ukusanyaji mapato na kuingia kwenye halmashauri tano bora kitaifa.