WAZIRI MKUU mstaafu Pinda ashauri wawajasirimali wa batiki kuanzisha soko la pamoja

Imewekwa kuanzia tarehe: August 6th, 2023

WAZIRI Mkuu Mstaafu mtoto wa mkulima Mheshimiwa Mizengo Peter Pinda amewataka Viongozi na wataalamu kufanya mkakati wa kuanzisha soko la pamoja la uuzaji wa bidhaa ya batiki zinazotengenezwa na wajasiriamali.

Ameyasema hayo wakati alipotembelea banda la maonesho ya Nane nane la Halmashauri ya Wilaya ya Songea mkoani Ruvuma lililopo katika viwanja vya John Mwakangale Jijini Mbeya  ambapo amesisitiza uwepo wa soko la pamoja litawawezesha wajasirimali kuwa soko la uhakika la bidhaa zao na kwamba wanunuzi watawafikia kwa urahisi

Maonesho ya kimataifa ya nanenane Kanda ya Nyanda za Juu kusini yalizinduliwa na Makamu wa Rais wa Jamhuri ya Muungano wa Tanzania Dkt.Philip Mpango na yanatarajia kufungwa na Rais wa Jamhuri ya Muungano wa Tanzania Dkt.Samia Suluhu Hassan Agosti nane jijini Mbeya