Mkuu wa Mkoa wa Ruvuma Christina Mndeme ametembelea Kituo cha Uhamiaji cha Mkenda Songea kulichopo kilometa 140 kutoka mjini Songea eneo la mpaka wa Tanzania na Msumbiji.Mndeme alifurahishwa na kazi za ulinzi zinazofanywa na askari maalum watano wa kulinda mpaka hivyo aliamua kuwapa motisha ya shilingi laki tano nao walishukuru kwa staili ya nyakua nyakua.
TUME ya Taifa ya Uchaguzi inaendesha mazoezi mawili muhimu katika Jimbo la Uchaguzi Songea mjini kuanzia Mei 2 hadi 4 mwaka huu.Mazoezi hayo ni uwekaji wazi wa daftari la kudumu la Mpigakura na uboreshaji wa daftari la kudumu la Mpigakura.
Serikali mkoani Ruvuma imekemea na kuwaonya watumishi wa umma wanaofanyakazi maeneo ya mipakani kuacha kujihusisha katika vitendo vya rushwa ikiwemo kuwaruhusu wageni kuingia wakati wanatakiwa kuwekwa karantini kwa siku 14.Mkuu wa Mkoa wa Ruvuma Christina Mndeme alikuwa anazungumza na watumishi wa Kituo cha Uhamiaji Mkenda Songea kilichopo mpakani mwa nchi ya Tanzania na Msumbiji.
